Այս ջերմ ընկերության սկիզբը դրվեց 1980-ականներին, Մոսկվայի պետական համալսարանի պատերի ներքո: Այսօր, տասնամյակների հեռավորությունից, կարելի է հստակ ասել, որ այդ տարիներին տեղի ունեցած ազգային զարթոնքի արձագանքները հասել էին նաև Մոսկվա, ուր բազմաքանակ հայ ուսանողությունը մի քանի էնտուզիաստների ջանքերով համախմբված, հաճախակի կազմակերպում էր հանդիպումներ, գրական, գեղարվեստական երեկոներ: Նրանց համար նախընտրելի հավաքատեղի էր <<Սուրբ Հարություն>> փոքրիկ եկեղեցին, իր ստվերաշատ բակով: Այս միջոցառումների շնորհիվ տասնյակ երիտասարդներ վերագտան հայերենը, կազմեցին հայեցի ընտանիքներ: Կրթությունն ավարտելուց հետո, հավատարիմ ուսանողական տարիների մտերմությանը, նրանցից շատերը, սփռված լինելով աշխարհով մեկ, յուրաքանչյուր ամառ, սկսած 2003 թվականից, շտապում են Հայաստան, հանդիպելու մեկմեկու արդեն մայր հայրենիքում: Հանդիպում են ոչ միայն նախկին համալսարականները, այլև նրանց զավակները, որոնցից շատերն արդեն ուսանողներ են:
Անահիտ Սիմոնյան
Արցախ
При полном или частичном использовании материалов ссылка на газету "Армянская Церковь" обязательна, при цитировании статьи в интернет-ресурсах гиперссылка на //armenianchurch.do.am обязательна.
Категория: Статьи |
