Воскресенье, 20.09.2020, 11:46Наша страница в FaceBook|RSS
 
  |Сайт епархии|Архив материалов
Главная » Архив материалов » Интервью

<<ԵԹԵ ՀԱՐԿ Է` ԶԻՋԻՐ…>> | Апрель 2009
Ջեմմա Կիրակոսյանը Նոր Նախիջևանի և Ռուսաստանի Հայոց Թեմի Մոսկվայի <<Հայորդյաց տուն>> հայեցի դաստիարակության կենտրոնում աշխատում է այս կրթօջախի հիմնադրման առաջին իսկ օրից: Նա կենտրոնի սիրված մանկավարժներից է: Ջեմման գտնում է, որ մայրենի լեզուն մատչելի դարձնելու լավագույն միջոցներից մեկը առայժմ օտարախոս սաներին նշանավոր հայ մանկագիրների ստեղծագործություններին ծանոթացնելն է: Քանիցս արդեն փոքրիկ "արտիստների" հետ հաջողությամբ բեմականացրել են Խնկո Ապոր, Հովհաննես Թումանյանի պոեմներն ու հեքիաթները: Վերջին ներկայացումը կայացավ մարտ ամսին: Դահլիճը երկարատև, բուռն ծափահարություններով ընդունեց Հովհաննես Թումանյանի ժպիտով լեցուն "Ձախորդ Փանոսին":

- Ինչու՞ ընտրեցիք հենց մանկավարժի և ոչ` ասենք` ինքնաթիռի ուղեկցորդուհու մասնագիտությունը:

- Դուք երևի ակնարկում եք այն, որ լինելով օդաչուի դուստր, չեմ դարձել ուղեկցորդուհի: Հայրս` Հրանտ Կիրակոսյանը, իրավ, օդաչու էր, Հայաստանի քաղաքացիական ավիացիայի վետերաններից մեկը: Նա անմնացորդ նվիրված էր իր մասնագիտությանը, սիրահարված երկնքին, մանկան նման բարի ու անմիջական էր, պատանու պես ռոմանտիկ էր: Մասնագիտության բերումով հաճախ բացակայում էր տնից իսկ ոչ թռիչքային եղանակին վերադառնում էր շատ ուշ: Անսահման կապված էի նրա հետ, ծանր էի տանում բացակայությունը: Միշտ անհամբեր սպասում էի նրան: Մեզ` երեխաներիս համար տոն էր, երբ տանն էր սիրելի հայրիկը: Հիշում եմ այսպիսի մի դեպք. հինգ թե վեց տարեկան էի: Հիվանդացել էի, ծանր ջերմությամբ պառկած միայն հայրիկիս էի կանչում: Ու հանկարծ նրանից հեռագիր ենք ստանում: Վերցրեցի հեռագիրը, ամուր համբուրեցի ու սեղմեցի կրծքիս: Ինչպես տնեցիներն են հավաստում, ջերմությունս քիչ անց կտրուկ իջնում է, ասես չէի էլ հիվանդացել:

Ինձ համար մանկավարժությունը նույն ռոմանտիկան է, այն էլ թռիչք է, հոգու թռիչք: Համենայն դեպս, յուրաքանչյուր անգամ դասարան մտնելիս, ինձ համակում է այդպիսի զգացում:

- Կարո՞ղ եք այսօր ասել, որ Ձեր մանկական երազներն իրողություն են:


-Միշտ եմ երազել մանկավարժի մասնագիտության մասին: Եվ, երբ միջնակարգ դպրոցն գերազանց ավարտելուց հետո ընդունվեցի Երևանի Խ. Աբովյանի անվան մանկավարժական ինստիտուտի ֆիզիկայի, ինֆորմատիկայի և հաշվողական տեխնիկայի ֆակուլտետ, երազանքներս ու կյանքիս նպատակները մասամբ կատարված համարեցի:

Այսպիսի ընտրությունը պատահական չէր:Մեր գերդաստանում մանկավարժները շատ են` տատս, պապս , քույրս: Մեր տոհմի գեղեցիկ պատմություններից մեկը տատիկիս եղբոր` Սարգիս Ոսկանյանի մասին է , որը 18 տարեկան հասակում ղեկավարել է Մեղրիի շրջանի Շվանիձոր գյուղի դպրոցը ու միաժամանակ հեոակայել է Երևանի պետական համալսարանի Ֆիզմատ ֆակուլտետին: "Աշխատանքի գերազանցիկ" շքանշանը դեռևս 30-ականներին նա ստացել էր անձամբ Կալինինի ձեռքից` Մոսկվայում: Խոստումնաշատ երիտասարդը, ցավոք, 23 տարեկան հասակում զոհվեց Հայրենական Մեծ պատերազմում:

Մանկավարժի նոր, ավելի հասուն որակում ինձ զգացի <<Հայորդյաց տանը>>, ուր դասավանդում եմ հայոց լեզու և գրականություն: Պոեզիան, արձակը միշտ են եղել իմ հետաքրքրությունների շրջանակներում, ավելին` ուսանողական տարիներին առիթը բաց չէի թողնում բանասեր ընկերուհիներիս հետ հաճախել նրանց դասախոսություններին:

Անչափ շնորհակալ եմ Գերաշնորհ Սրբազան Հայր Եզրաս Եպիսկոպոսից, որ հավատաց իմ ուժերին, հնարավորություն ընձեռեց զբաղվելու ինձ այնքան հոգեհարազատ աշխատանքով: 

- Ինչ՞ սկզբունքներ եք կարևորում մանկավարժության մեջ:


-Իմ աշխատանքի կարևոր նախապայմանը դեպի աշակերտներն ու դասավանդբող առարկան ունեցած սերն է: Այդ զգացումը մղում է նորանոր որոնումների, որպեսզի դասերն ընթանան հետաքրքիր , բովանդակալից, որպեսզի աշակերտները մշտապես ձեռք բերեն նոր գիտելիքներ:

- Ինչու՞մն է "Հայորդյաց տան" յուրօրինակությունը:

- Այս կրթօջախը, համենայն դեպս Մոսկվայում, իր նմանը չունի: Մեր փոք րիկ հայրենակիցները այստեղ իրենց զգում են ջերմ ու հոգեհարազատ միջավայրում, հմուտ մանկավարժների օգնությամբ առնչվում են հայ մշակույթին, ծանոթանում հայոց հոգևոր գանձերին: Այս պատերի ներքո քրիստոնեական ոգին է, մեր ազգային հավատքը, բարոյական արժեքները:


При полном или частичном использовании материалов ссылка на газету "Армянская Церковь" обязательна, при цитировании статьи в интернет-ресурсах гиперссылка на //armenianchurch.do.am обязательна.

Категория: Интервью
Всего комментариев: 0 Просмотров: 1229

Читайте также:
Добавлять комментарии могут только зарегистрированные пользователи.
[ Регистрация | Вход ]
Категории каталога
Наша газета
Статьи [130]
Интервью [73]
Добро пожаловать на официальный сайт газеты "Армянская церковь" Ново-Нахичеванской и Российской Епархии Армянской Апостольской Церкви. Нашу газету можно приобрести в киосках церквей епархии. Издание выходит один раз в месяц, в цветном оформлении, по благословению главы Ново-Нахичеванской и Российской епархии ААЦ архиепископа Езраса. На нашем сайте вы сможете прочитать наиболее интересные материалы за прошлые номера, прочесть архивные выпуски газет, а также следить за выпуском газеты и ознакомиться с кратким содержанием очередного выпуска.


Газета «Армянская Церковь» © 2008-2014
Welcome on MerHayrenik.narod.ru: music, video, lyrics with chords, arts, history, literature, news, humor and more!Армянское интернет-сообщество Miasin.RuMARAGHAWebsite about Liberated Territory of ArtsakhAcher.ru - Армянский сайт для
 друзейSlaq.am