 Մոսկվայում Ա. Ս. Պուշկինի անվան կերպարվեստի պետական թանգարանում բացվել է «Ծիածանի երկու գույն, երկու ճակատագրի արտացոլում…» խորագրով ցուցահանդեսը` նվիրված Ա. Ս. Պուշկինի անվան կերպարվեստի թանգարանի 100-ամյա հոբելյանին: Քսան տարիների ընդմիջումից հետո Պուշկինի թանգարանում արվեստասեր հանրությանն է ներկայացվում Հայաստանում մեծ խնամքով պահպանվող ռուսական կերպարվեստի 64 ստեղծագործություններ: Ընդհանուր առմամբ, ներկայացված 103 կտավները ցուցահանդեսին են տրամադրել Հայաստանի Ազգային պատկերասրահը, Ռուսական արվեստի, Մարտիրոս Սարյանի և Երվանդ Քոչարի տուն-թանգարանները: Արվեստի այս նշանակալի տոնահանդեսի կազմակերպման աշխատանքները մեկնարկել են դեռևս 2008 թվականին, իսկ կտավներն ընտրել են Պուշկինի թանգարանի համակարգողները: Ցուցահանդեսին ներկայացված են XVIII-XX դդ. հայկական գեղանկարչությունը, XVIII-XIX դարի առաջին կեսի ռուսական գեղանկարչությունը, XIX դարի երկրորդ կեսի հայկական գեղանկարչությունը, XIX -XX դդ. ռուսական գեղանկարչությունը, «Միր իսկուստվա», «Ավանգարդ»:Ազգային պատկերասրահը ներկայացնում է 18-20-րդ դարերի հայկական ու ռուսական գեղանկարչական գլուխգործոցներ` Հակոբ Հովնաթանյանի, Ստեփանոս Ներսիսյանի, Հովհաննես Այվազովսկու, Վարդգես Սուրենյանցի, Եղիշե Թադևոսյանի, Փանոս Թերլեմեզյանի, Մարտիրոս Սարյանի, Գեորգի Յակուլովի, Երվանդ Քոչարի, Վ Իսահակ Լևիտանի, Վասիլի Տրոպինինի, Շչեդրինի, Վասիլի Սուրիկովի, Վալենտին Սերովի, Վասիլի Կանդինսկու, Իլյա Ռեպինի, Մարկ Շագալի և այլ հայտնի արվեստագետների ստեղծագործություններ: Հետաքրքիր էր ականատես լինել զգայական և հուզական այն արձագանքին, որ ցուցաբերում էին հանդիսատեսները: Ռուս արվեստասերներին գերել էին Ֆալկի գունագեղ կտավները, որոնք ներկայացնում էին այսօր անէ դարձած մոսկովյան փոքրիկ բակերն ու փողոցները, Կանդինսկու և Լարիոնովի վրձնին պատկանող հրաշալի աշխատանքները…Այլ էին հայազգի արվեստասերների մտորումները: Վերստին ջերմանալով Սարյանական տաքոտ գույներով, նրանցից շատերը իրավացիորեն երկմտում էին` արդյո՞ք այս ցուցահանդեսը առիթ չէր ավելի մանրամասն ծանոթացնել արվեստասեր Մոսկվային Սարյանի հայ, միգուցե և նրանից ավելի քիչ հեղինակավոր նկարիչ –ժամանակակիցների հետ: Հայ գեղանկարչությունից տեղյակները ափսոսանքով տարակուսում էին, որ հանճարեղ, տաղանդաշատ Երվանդ Քոչարը ներկայացված է լոկ երկու ստեղծագործությամբ: Ռուս արվեստասերները երկար կանգնում էին Թերլեմեզյանի, Թադևոսյանի, Սուրենյանցի կտավների առջև, հիացում արտահայտում նրանց գործերի վերաբերյալ: «Բարեկամական մուսաների հովանու ներքո» խորագրով անցկացվող ցուցահանդեսը շարունակվելու է մինչև նոյեմբերի 14-ը:
При полном или частичном использовании материалов ссылка на газету "Армянская Церковь" обязательна, при цитировании статьи в интернет-ресурсах гиперссылка на //armenianchurch.do.am обязательна.
Категория: Статьи |
