«Գիրք առակաց»
 -Սրբություն է սա, պետք է տանեմ բուժելու: Տեսնու՞մ եք, մագաղաթը հարյուրամյակների «բեռից» տկարացել է, թեև զարդանախշի բնական գույները չեն խամրել:
Սրբազանը, ինչպես անօգնական մանկան, քնքշորեն կրծքին է սեղմում հնամենի ձեռագիրը: Այս մասունքը , որպես սիրո և նվիրումի դրսևորում դեպի մայր եկեղեցին Նոր Նախիջևանի և Ռուսաստանի Հայոց թեմի Առաջնորդ Եզրաս Եպիսկոպոս Ներսիսյանին է ընծայաբերել Բորիս Աշոտի Տեր Ավանեսովի ընտանիքը:
Ձեռագիրը Աստվածաշնչի 75 գրքերից մեկն է` Սողոմոն Իմաստունի «Գիրք Առակացը»: Հայոց տառերի գյուտից հետո այս նշանավոր գրքի առաջին գլխի առաջին տողն է երանելի Մաշտոցը թարգմանել ու գրառել ոսկեղենիկ տառերով` ահա հայաբարբառ անդրանիկ նախադասությունը` «Ճանաչել զիմաստութիւն եւ զխրատ, իմանալ զբանս հանճարոյ» (Ա 2)։Ձեռագիրը 1597 թվականին /հայոց 1046 թիվ/ պատվիրել է Կիլիկիայի Տարսոն քաղաքի եպիսկոպոս Ներսեսը:-Տեր Ավանեսովները մեր եկեղեցու բարերարներից են, անսահման նվիրումով աջակցում են նոր համալիրի շինարարական աշխատանքներին,-պատմում է Եզրաս Սրբազանը:- Բորիս Ավանեսովի որդին` Ալեքսանդրը սեփական միջոցներով իրականացնում է  «Սուրբ նահատակաց» եկեղեցու առայժմ նախապատրաստական փուլում գտնվող նախագծային և շինարարական աշխատանքները: Նրանց նվիրաբերած արժեքավոր այս ձեռագիրը մեր ժողովրդի հոգևոր այլ գանձերի հետ միասին ոչ հեռավոր ապագայում իր արժանավոր տեղը կգտնի նորակառույց եկեղեցու թանգարանում: Նշենք, որ Տեր Ավանեսով ընտանիքը Երևանի պետական Մատենադարանին է ընծայաբերել բացառիկ արժողությամբ մի քանի ձեռագրեր:
ՄԱՐԳԱՐԻՏՆԵՐ ԱՌԱԿԱՑ ԳՐՔԻՑ«Անմիտ մարդուն հարցրին, թե ի՞նչ է իմաստությունը, և նա գտնո՞ւմ է արդյոք, որ իմաստություն կա. նա պապանձվեց, և կարծեցին, թե իմաստուն է»
Տերը հակառակ է ամբարտավաններին,
Նա շնորհ է տալիս խոնարհներին։
Խարդախ կշեռքը պիղծ է Տիրոջ առջև, բայց արդար կշեռքը հաճելի է նրան։
Արդարների բարությամբ բարեկարգվում է քաղաքը, իսկ ամբարիշտների կորստյամբ ուրախության հանդես է լինում։
При полном или частичном использовании материалов ссылка на газету "Армянская Церковь" обязательна, при цитировании статьи в интернет-ресурсах гиперссылка на //armenianchurch.do.am обязательна.
Категория: Статьи | 
